أخبار عاجله
أخر الأخبار

أجهزة تجسس وأسلحة ثقيلة في محاولة اغتيال قيادة بالمكسيك “صور”

تفاصيل جديدة كشفها محمد عبد الباسط خبير أمن المعلومات في هجوم  مسلحين على قائد شرطة العاصمة المكسيكية مكسيكو سيتي وإصابته واثنين من حراسه الشخصيين وأحد المارة في كمين استهدف موكبه لدى مروره بحي يقطنه الأثرياء ويعيش فيه السفراء ورجال الأعمال.
وقال محمد في تدوينة له على موقع التواصيل الاجتماعى فيس بوك إنه من الساعه ٤ الفجر الى الساعه ٧ صباحاً النهارة بتوقيت المكسيك كان فى محاولة لإغتيال مدير امن عاصمة المكسيك “عمر حميد جارسيا خرفوش” من قبل مجموعة مسلحة، الحادث اسفر عن وفاة عدد من عناصر شرطة مدينة المكسيك وكان للقدر الالهى تدخله فى نجاة مدير الامن نفسة.
وأضاف محمد والذي يقطن بالمسكيك الأن أن الهجوم تم بأسلحة ثقيلة ومتطورة، الضحايا واللى كان منهم مدنيين، افراد الشرطة المرافقين مقدروش يستغيثوا بزملائهم الاقرب ليهم فى المنطقة ودا تسبب فى ان الشرطة اخدت فترة علشان تروح لموقع الحادث وتساعد بس مش دا الملفت للإنتباه.
الملفت  ان التأخير دا كان بسبب استخدام المجموعة المسلحة دى لأجهزة تشويش اشارة Signal Jammers منعت كل الاتصالات المحيطة لموقع الحادث من انها تمر على ترددات مختلفة سواء 2G او 3G او 4G او GSM او Wifi او حتى اجهزة تردد اللاسلكى الخاص بالشرطة.
الاجهزة دى بتختلف فى قوة تشويشها للاشاره بحسب المدى المتواجدة فيه وموانع الاشارة، الاجهزة دى لا تقل اهمية عن السلاح النارى اللى ممكن يبقى فى اى معركة واللى لازم الدول كلها تاخد بالها من استيرادها او تجميعها او تصنيعها محلياً لانها ببساطة تعتبر قضية امن وطنى.
الصور التالية من الاجهزة اللى تم تصويرها من موقع الحادث داخل سيارات المجموعة المسلحة (لازم نفرق مابين اجهزة الواى فاى العادية واجهزة التشويش لان الاتنين بيشتركوا انهم بيحتووا على Antenna او إيريال او هوائى ارسال فلازم خبير ساعتها هوا اللى يحكم على الجهاز مش مجرد فرد امن عادى معندهوش الخلفية التقنية اللى تخليه يعرف يفرق مابينهم لان ممكن يحصل مابين الاجهزة المحرمة دولياً دى واجهزة الراوتر اللاسلكية البسيطة اللى بتروح تشتريها من مول البستان لغط كبير، اجهزة التشويش فى الغالب بتحتوى على اكبر قدر من الهوائيات او الاريال او ال Antennas علشان دى الحاجة اللى بتمثل نقطة قوتها)

من الساعه ٤ الفجر الى الساعه ٧ صباحاً النهارة بتوقيت المكسيك كان فى محاولة لإغتيال مدير امن عاصمة المكسيك "عمر حميد…

Posted by Mohamed A. Basset on Friday, June 26, 2020

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى